في البدايه وقبل لا احد يقولي اني غلطانه انا عارفه اني غلطانه وانا ماكتبت هالموضوع الا لاني ابي منكم نصايح او حلول تساعدني اني اغير من نفسي ما ابي اطول عليكم انا صايره ما اتقبل اي شي من زوجي مع اني احبه بجنون واهو طيب لكن اي تقصير منه صاير يتعبني حيل انا عارفه ان المره لازم تصبر تنبه تعاتب احيانا تنفجر لكن مايصير اذا صدر اي اهمال او تقصير من الزوج المره تتمادى عليه بالصوت العالي وتتشاجر معاه بشكل فظيع صايره انفعل وايد ومافيني صبر وكلمه والثانيه اقوله هدني وطلقني انا عارفه انه مقصر واكثر الازواج جذي لكن لما اراجع نفسي اقول هم بعد مايجوز على كل شي اقوله طلقني وانا حاسه انه بدا يمل حاولت اضبط انفعالاتي المتكرره لكني فشلت قبل كنت اعديله وايد واذا عصبت ابينله اني متضايقه واناقشه اما الحين لاااااااا بركان هائج نصحوني اشلون اقدر اهدي من نفسي وما اخرب بيتي مع الانسان الطيب الي انا احبه وادري انه افضل من غيره ساعدوني احس اني تعبانه وسوري طولت عليكم